Surigao City: Gobyerno sa syudad midonar ug lima ka motorcycle patrol
MAY 9, 2017 – Gobyerno sa syudad midonar ug lima ka motorcycle patrol ngadto sa kapulisan.
Mukabat sa lima (5) ka unit sa motorcycle patrols naangkon sa buhatan sa kapulisan ning dakbayan kini gikan na sa pagamhanan sa syudad diin mismo si City Mayor Ernesto T. Matugas ang mitunol sa mga yawe sa lima ka mga single motor ngadto na kang PSupt. Jay Baybayan ang hepe sa nasampit nga buhatan.
Sa maong mubo nga seremonyas mipadayag sa iyang mensahe ni City Mayor Ernesto T. Matugas nga ang maong mga motorsiklo ang maoy magamit sa mga kapulisan alang na sa pag responde sa mga tawag emerhensya gikan na sa mga Surigaonon nga nanginahanglan ug tabang ug nang hina-ot usab ang mayor nga mapalambo ang performance sa kapolisan pinaagi na sa maong mga mobile facilities nga ilang magamit.
Samtang sa iyang bahin si PSupt. Jay Baybayan , mipadayag usab ug mensahe diin dako ang iyang pagpasalamat ngadto na sa panggamhanan sa syudad ilabina kang City Mayor Ernesto T. Matugas sa pag donar sa 5 ka units sa mga motorsiklo aron usab ilang mapalapdan ang ilang mga programa sa tinguhang magpabiling malinawon ug hapsay ang dakbayan sa Surigao batok sa bisan unsang matang sa kreminalidad.
Source: Mico Surigao
